Home » දේශීය සංස්කෘතිය » දේශීය ආහාර » ගොටුකොළ අාහාරයට එක්කර ගත යුත්තේ ඇයි? ගොටුකොළ වල අසීමිත ගුණය දැනගන්න
Vine-vera-Centella-Asiatica

ගොටුකොළ අාහාරයට එක්කර ගත යුත්තේ ඇයි? ගොටුකොළ වල අසීමිත ගුණය දැනගන්න

අප රටේ පහසුවෙන් වැවෙන ගොටුකොළ පමණ උසස් පලා වර්ගයක් කොළ වර්ග අතර තවත් නැත. ගම්බද ගස් සෙවනේ වැඩෙන හීන් ගොටුකොළ අනෙක් ගොටුකොල වර්ග වලට වඩා ගුණයෙන් උසස්ය. හීන් ගොටුකොල වල කොල අඩුය. රිකිලි හා මුල් බහුලය. මුල් වැඩි නිසා පොළොවෙන් ලැබෙන ධාතු ගුණ එහි වැඩි පුර තිබේ. අමුවෙන් ගොටුකොළ සම්බෝල සාදාගැනීමේදී හීන් ගොටුකොල හා දඬු හා මුල් ඉවත දමන නිසා ඖෂධීය ගුණ ඇති කොටසක් අපතේ යයි.

gotukola

ගුණ වශයෙන් ගොටු කොළ සීතලයි. දිරවීමට පහසුයි, අකලට මහලු වීම, අකලට කෙස් වැටීම පැසීම වැනි දේ වලක්වයි. මොලයේ වර්ධනයට ඉතා හිතකරවේ. ලේ පිරිසිදු කරයි. මේ සියලු ගුණයන් හමේ කාන්තිය වැඩිකර හමේ රෝග සුව කරයි.
තවද මූත්‍ර පෙරීමේ අවයව වල යම් යම් පීඩා ඇත්නම් එවිටද ගොටුකොළ ගුණ දායකවේ. දරුවන් නොලැබෙන කාන්තාවන්ගේ ගර්භාශයේ හෝ ඩිම්බකෝෂවල විශේෂ පීඩාවක් ඇත්නම් එබඳු කාන්තාවන්ට ගොටුකොළ තම්බා බීම හෝ තේ මෙන් සාදා බොන්නට දීමෙන් හොද ගුණ ලැබේ. මොලයේ ස්නායු තන්තූන් නිරෝගිමත් කිරීමද ගොටුකොල වල ඇති විශේෂ ගුණයකි.
සැරව උපදවන විෂබීජ විනාශ කිරීමේ ගුණයක්ද ගොටුකොල වල ඇත. තුවාලයක් වූ විට හෝ වණයක් ඇතිවිට ගොටුකොළ පොඩිකර තැබීමෙන් සැරව නැති තුවාලය හොදවන බව ගම්බද ළමයින් හොඳින් දනිති.

gotu-kola-tea-640x310

මේ සදහන් ගුණ ලබා ගැනීමට ගොටුකොළ ආහාර පිණිස ගත යුත්තේ අමුවෙන් නැතහොත් කැඳ සාදාය. ගින්නෙන් බොහෝසේ තැම්බෙන පරිදි ව්‍යංජන සාදා ගැනීමෙන් ගොටුකොල වල ගුණය හීන වේ.
පානදුර ගඟුල වෙද මැදුර
පොඩි වෙද මහත්තයා

Add a Comment

Your email address will not be published. Required fields are marked *