Home » විවිධ » අපේ ජාතික කොඩියේ සැඟවුණ අරුත්
maxresdefault

අපේ ජාතික කොඩියේ සැඟවුණ අරුත්

අපේ ජාතික කොඩිය සැම දෙනාම දැක පුරුදු අපට හුරු වූවකි. ජාතික වශයෙන් වැදගත් උත්සව අවස්ථාවල මෙය ප්‍රදර්ශනය කරයි. කොඩිය සකස් වූ ආකාරය හා එහි නිරූපණය වන දේවල් පිළිබඳව ඔබ දැනුවත් කිරීම අපගේ අරමුණයි.ලංකාවේ ප්‍රථම අගමැතිවරයා ලෙස ඩි. එස්. සේනානායක මහතා 1948 වසරේ මාර්තු මස 06 වන දින ජාතික කොඩිය නිර්මාණය සඳහා කමිටුවක් පත්කළේය. එම කමිටුව සියලු ජනවාර්ගික නියෝජිතයන්ගෙන් සමන්විත වූහ. කමිටුවේ තීරණය පරිදි වර්තමාන ජාතික කොඩිය නිර්මාණය කරන ලදී.කොඩිය නිර්මාණය කිරීමේ වගකීම පැවරුනේ රජයේ කලායතනාධිපති ජේ. ඒ. ඩී. පෙරේරා මහතා සහ එස්. ජි. චාර්ලිස් යන මහත්වරුන්ටය. ජාතික එකමුතුව පෙන්වීම සඳහා යොදාගනු ලබන දේවල් අතරින් ප්‍රධාන ස්ථානයක් ගන්නේ ජාතික කොඩියයි. ජාතික කොඩිය අපසතු වස්තුවකි. ජාතික කොඩියේ අන්තර්ගත දේවල් පිළිබඳව විමසා බලමු

Flag_of_Sri_Lanka.svg

  1. කහ පාට :- බුද්ධිය, සාමය, අවිහිංසාව, සත්‍ය ධර්මය දැන ගැනීම
  2. රතු පාට :- බුද්ධි ගෝචර අවිහිංසාවාදි සමාජයන් ඇති බවය. සමෘද්ධිය සංකේතවත් කෙරේ.
  3. බෝ කොළ හතර:- ධර්මිෂ්ඨ භාවය. මෙත්තා, කරුණා, මුදිතා, උපේක්ඛා, යන පරම සත්‍ය පෙන්වයි. (මෙත්තා – රටවැසියා එක් මඟකට යොමු කිරීම, මුදිතා – දුකට පත් වූවන් ඉන් මුදා ගැනීම,
  4. කරුණා – සමාව, ඉවසීම, අනුන්ගේ යහපත සැලසීම, උපේක්ඛා – නිහතමානිකම , දානය, ප්‍රිය වචනය, අර්ථ චර්යාව, සමානාත්මකතාව අනුව සකස් කළ යුතු බව)
  5. කඩුවක් අතින් ගත් සිංහයා :- ( සිංහයාගේ හා කඩුවේ වර්ණය කහ පාටය. ) කඩුවත් ඉදිරියට අල්ලාගෙන සිටින සිංහයාගේ එඩිතරබව සංකේතවත් කරනු ලැබේ. සිංහයා සෙසු සතුන්ට වඩා සංවරය, ආත්ම ශක්තියෙන් යුක්තය. තමාට ගැලපෙන දේ පමණක් කරයි.
  6. කෙසරමාලාතුන :- බුද්ධ ධම්ම සංඝ යන තෙරුවන් කෙරේ විශ්වාසය තැබීම
  7. ග්‍රීවය :- පාලකයා ඍජු ශක්තිමත් අයෙකු බව
  8. අයාගත් මුඛය :- රාජකීය හඬ නිර්භීතව ප්‍රකාශ කිරීමට හැකියාව ඇති බව
  9. නාසය :- හරිවැරදි හඳුනා ගැනීම
  10. දිව :- පාලකයාගේ ප්‍රකාශ සත්‍යවාදීවත්, අවංකවත් සිදුවන බව
  11. ඇස :- ජනතා ඇස තුළින් ජනතා ප්‍රශ්න දෙස බැලීම. ඇස කඩුව දෙසට යොමු වීමෙන් පාලකයා, නිසි ලෙස පාලනය සිදු කරන්නේ දැයි පාලිකයෝ බලා සිටී. ජනතාව නිතරම අවධියෙන් සිටින බව.
  12. මුඛයට නැමී ගිය දත්තුන :- සිත කය වචනය යන තුන්දොර හික්මවා විවෘතව ප්‍රකාශ කිරීම.
  13. කේසර කැරලි 24 :- ගහි විනය
  14. වලිගය ස්ථාන 2කින් නැමීම :- ජනතාවගේ දැනුම, කැපවීම. පාලකයාට නොඅඩුව ලැබිය යුතු බව ප්‍රථම නැම්මෙන් ද රටවැසියන් හා පාලකයා ජාතියේ තීරණාත්මක අවස්ථාවල එකම මඟක ගමන් කරන බව
  15. වලිගයේ කේසර කැරලි :- සැමට සුදුසු මග ආර්ය අෂ්ටාංගික මාර්ගය
  16. කඩුව ගත් දකුණු අත :- ආරක්ෂාව ස්වාධීනත්වය නිදහස ආරක්ෂා කිරීම
  17. කඩු තලය :- පාලකයා, පිළිපැදිය යුතු දසරාජධර්මය
  18. කෙලින් පිහිටි කඩු තලය :- පාලනය මධ්‍යස්ථානය මධ්‍යම ප්‍රතිපදාව අනුව සිදු විය යුතුය.
  19. නැවුණු තුඩු තුන :- අනිත්ය දුක්ඛ අනාත්ම තත්ත්වයට රට ජාතිය ලක් වීම.
  20. අසිපතේ මිටේ තුඩුහතර :- රටවැසියා ගොඩනැගී ඇත්තේ ආපෝ, තෝජෝ, වායෝ, පඨවි, යන මහ භූතයන්ගෙනි.
  21. කඩුව අල්ලාගත් ඇඟිලි සතර :- චතුරාර්ය සත්‍ය
  22. අසිපත් දැරීම:- අසාධාරණයේදී සටන් වැදීමත් එය ධර්මයට අනුව සිදුවීමත් කහ පාටින් දැක්වේ.
  23. හිස වලිගය මතට අක්ෂගතව තිබීම :- පාලකයා හා පාලිතයා අතර සමාන්තරතාවයක් ඇති බව ය
  24. පාද :- උට්ඨාන සම්පාද, ආරක්ඛ සම්පාද, කල්‍යාණ මිත්තා, සමජීවකතා යන හතර
  25. උඩට විහිදුනු නිය :- ශ්‍රද්ධා, ශීල, ත්‍යාග, ප්‍රඥා යන ධර්ම මෙලොව ජය ගැනීමට අවශ්‍යය
  26. අත් වැස්මේ අන්ත දෙක :- රාජ්‍ය පාලනය පැත්තකට අන්තගාමී නොවීම
  27. තැඹිලි වර්ණ තීරුව :- ද්‍රවිඩ ජතිකයන් සංකේතවත් වේ.
  28. කොළ වර්ණ තීරුව :- මුස්ලිම් ජනතාව

සිංහල ජාතියජාතික කොඩිය එසවීමෙදී නිසි ගෞරය ලැබෙන ආකාරයට කටයුතු කළ යුතුයි. කොඩිය සඳහා ප්‍රමිතීන් නියම කොට ඇත. ප්‍රමිති අංක 693 වර්ෂ 1985 එය සුරක්ෂිත කර ඇත. ශ්‍රී ලංකා ප්‍රමිති ආයතනයේ නියමයන් අනුව සිංහයා කහපාටින් විය යුතුය. කොඩියේ දිග පළල මෙන් දෙගුණයක් විය යුතුයි. අපේ ජාතික කොඩිය අපේ ජාතික වස්තුවකි.

Add a Comment

Your email address will not be published. Required fields are marked *